ТОШКЕНТ, 30 окт - Sputnik. Афғонистон ташқи ишлар вазири вазифасини бажарувчи этиб Идрис Замон тайинланди, деб хабар қилмоқда РИА Новости.
Афғонистон президенти Ашраф Ғани мамлакат ташқи ишлар вазири ўринбосари Идрис Замонни ТИВ раҳбари вазифасини бажарувчи этиб тайинлади, деб хабар қилмоқда Tolo News канали президент вакили Седик Саддикийга таянган ҳолда.
Эслатиб ўтамиз, Афғонистоннинг олдинги ташқи ишлар вазири Салоҳиддин Раббоний 23 октябр куни истеъфо берган эди. Мамлакат президенти Ашраф Ғани номига йўллаган мактубида, Раббоний, ўзининг ушбу қарорини "миллий бирлик ҳукумати иш муҳити, унинг илк раҳбарлик кунидан бошлаб, то якунига қадар, ижобий бўлмагани" билан изоҳлаган.
