Россия Афғонистон чегарасида жойлашган ҳарбий базасига илк бор С-300 зенит-ракета мажмуаларини жойлаштирди.
Тожикистонда жойлашган 201 - Россия ҳарбий базаси ихтиёрига илк бор "С-300ПС" тизими етказиб берилди. 30 та техник бирликдан иборат дивизион Волгабўйи ҳудудидаги Марказий ҳарбий арсеналдан темир йўл транспорти ёрдамида етказиб берилади.
С-300 Россиянинг 75-200 км масофаларда турли ҳаво ҳужуми воситаларидан ҳимоя қилувчи зенит-ракета тизимидир. ПС ушбу тизимнинг паст учувчи жисмларни аниқловчи мобил радарлар билан жиҳозланган модификациясидир.
