ТОШКЕНТ, 26 окт - Sputnik. Ўзбекистон Адлия вазирлиги 2019-2020 йилларда Ўзбекистон мактабларида ўқувчиларга бериладиган таътиллар жадвалини эълон қилди.
25 Октябр 2019, 12:04
Кузги таътил 4 ноябрдан бошланиб, 10 ноябрга қадар давом этади. Қишки таътил 28 декабрдан бошланади ва давомийлиги 14 календар кунини ташкил этади.
Баҳорги таътиллар 21 мартда бошланади ва 7 календар кун давом этади.
Ёзги таътил - назорат имтиҳонлари тугагач бошланади (имтиҳон топширмайдиган синфлар учун - охирги ўқув кунидан кейин) ва 1 сентябрга қадар давом этади.
Агар таътилнинг охирги куни байрам (дам олиш куни)га тўғри келса, дарс кейинги иш кунидан бошланади.
Биринчи синф ўқувчилари учун феврал ойида 1 ҳафта давом этадиган қўшимча таътил кунлари тақдим этилади.
