Forbes журнали Россиянинг энг бой аёлларининг навбатдаги рўйхатини тақдим этди.
Москва собиқ мэри Юрий Лужковнинг рафиқаси Елена Батурина етакчиликни қўлдан бой бермасдан келмоқда. Унинг бойлиги 1,2 млрд долларга баҳоланган.
Рўйхатнинг иккинчи поғонасини Wildberries Wildberries компанияси асоcчиси Татьяна Бакальчук эгаллаган. Унинг бойлиги айни дамда 1 млрд долларни ташкил қилиб турибди.
Рейтингга илк бор киритилган “Россия” банкининг асосий акциячисининг рафиқаси Татьяна Ковальчук 600 миллион доллар билан учинчи ўринни эгаллади.
600 млн долларга эга хусусий сармоячи ва миллиадер Дмитрий Риболовлевнинг собиқ рафиқаси Елена Риболовлева тўртинчи ўринга муносиб кўрилган.
Биринчи бешликка Ольга Белявцева якун ясаган. Ольга Белявцеванинг асосий капиталини “Лебедянский” (шарбатлар), “Прогресс” (ФрутоНяня) акциялари ташкил этади. Ольга олма етиштирувчи компания соҳибасидир. Унинг бойлиги 550 млн долларга баҳоланган.
Рейтингнинг 25 поғонасини машҳур теннисчи Мария Шарапова эгаллаган. Унинг бойлиги 180 млн долларни ташкил этади.
Рўйхатнинг асосий қисмини хусусий инвестиция билан шуғулланувчи ва турмуш ўртоғларининг компания акцияларига эгалик қилувчи аёллар ташкил этади. Рейтингга киритилганларнинг бойлиги уларга тегишли актив қийматига қараб аниқланган. Булар компания акциялари, кўчмас мулк ва бошқалар.
