ТОШКЕНТ, 3 окт - Sputnik. “Тошкент-АЭРО” ихтисослаштирилган божхона комплекси ходимлари Ўзбекистонга ноқонуний йўл билан олиб кирилаётган электрон мосламаларни тўхтатиб қолдилар, хабар қилди республика Давлат божхона қўмитаси.
Куни-кеча Тошкент халқаро аэропортига хориждан учиб келган фуқаро С.И.нинг хатти-ҳаракатлари божхоначилар эътиборини тортди ва ушбу шахс белгиланган тартибда божхона назоратидан ўтказилди.
Натижада унинг юклари орасидан, оғзаки сўровда маълум қилинмаган ва декларацияда кўрсатилмаган, қиймати тахминан 25 000 АҚШ долларига тенг 19 дона “Iphone 11 Pro Max” русумли уяли телефонлар борлиги аниқланди.
Юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
