ТОШКЕНТ, 4 сен - Sputnik. Тошкентнинг Яшнаобод туманидаги 166-сон умумтаълим мактабнинг ёнида ҳайдовчилар учун ноодатий йўл белгиси синов тариқасида ўрнатилди.
Тошкент шаҳар ИИББ хабарига кўра, ушбу белги ҳайдовчиларни эътиборли, эҳтиёт ва огоҳ бўлишга, ўқиш кунларида соат 7:30 дан 18:00 гача тезликни 30 км/с гача туширишга чақиради. Белги “Мактаб!” деб номланган.
“Ушбу ёндашув ҳайдовчиларни масъулиятлироқ бўлишларида муҳим ўрин тутади, деган умиддамиз”, - дейилади идора хабарида.
