ТОШКЕНТ, 20 авг – Sputnik. Беларус Мудофаа вазирлиги “учар сигир” – МИ-26 вертолёти сотувга қўйди. Унинг нархи 7 миллион долларни ташкил қилади.
Белорус армияси ҳисобида 4 дона шу турдаги вертолёт мавжуд.
Ҳозирча дунёда энг йирик бўлган транспорт вертолётига харидор чиқмади.
МИ-26 вертолёти 1977 йилда биринчи парвозини амалга ошириди. 1984 йилда серияли ишлаб чиқариш бошланди.
2011 йил ҳолатига 316 дона вертолёт ишлаб чиқарилган бўлиб, 40 дона кема экспорт қилинди. Ўзбекистонда 1 дона МИ-26 вертолёти мавжуд.
