ТОШКЕНТ, 13 авг – Sputnik. “Танк биатлони”да тўртинчи ярим финал босқичида Ўзбекистон жамоаси энг яхши натижа эришди ва финал босқичига йўл олди.
Тўртинчи ярим финал босқичида Ўзбекистон, Лаос, Куба ва Қувайт жамоалари ўз маҳоратларини намойиш қилди.
Ўзбекистон танкчилари ярим финалда энг яхши натижа кўрсатди: танкчилар 2 соат 37 сонияда финишга етиб келди ва 10 та нишони яксон қилди.
Бошқа иштирокчилар Куба жамоаси 10 та, Қувайт – 3 та ва Лаос – 2 та нишонга тегди. Ўйин давомида Лаос жамоаси қўпол хатоликка йўл қўйгани учун беллашувдан четлаштирилди.
Мусобақада Т-72 Б-3 танкини бошқариш, тўсиқлардан ўтиш, белгиланган нишонларни яксон қилиш ва имкон қадар қисқа муддатда финиш чизиғига етиб келиш вазифасини амалга оширишди.
Эслатиб ўтамиз, 3-17 август кунлари Москва вилоятининг Алабино полигонида “Танк биатлони” мусобақаси ўтказилмоқда. Ўзбекистон танкчилари бу мусобақада биринчи марта иштирок этмоқда.
