NASA август охирида Ерга ўз ўлчами билан Хеопс эҳромини ортда қолдирувчи “хавф туғдириши эҳтимоли бўлган” астероид яқинлашишини маълум қилди.
2019 OU1 астероид диаметри 160 метрга тенг, бу эса Хеопс эҳроми диаметридан 20 метрга каттароқ дегани.
Астероид 28 август куни Ерга максимал даражада яқинлашади, яъни у Венера сайёрасидан 40 баравар яқинроқ келади.
Астероид сайёрамиз ёнидан бир миллион километрга яқин масофада тўқнашмасдан учиб ўтиб кетади.
Россия Фанлар академияси илмий ходими Натан Эйсмонт таъкидига кўра, NASA᾽нинг бунга ўхшаш баёнотлари ажабланарли, чунки хавф туғдириши мумкин бўлган барча астероидлар, жумладан, “Хеопс эҳроми катталигидаги” астероидлар рўйхати аллақачон тузилган.
Аммо бундай катталикка эга бўлган осмон жисмлари ҳақиқатдан ҳам Ерга хавф туғдириши мумкин.
“Ҳозир одамлар уларни қўрқитишларини яхши кўришади, шунинг учун шунга ўхшаш баёнотлар кўпинча ёлғон бўлиб чиқади”, - дейди Натан Эйсмонт.
Астероид ҳақиқатдан ҳам Ерга хавф туғдириши мумкинлигини баҳолаш ва аниқлаш учун унинг ҳаракат йўлини узоқ муддат давомида кузатиш лозим. Амалда бунга ўхшаш астероидлар Ер билан тўқнашмасдан учиб ўтиши кузатилади, дея хулоса қилди илмий ходим.
