ТОШКЕНТ, 11 авг — Sputnik. Тошкентда “Каптива” русумли автомашинасида уйидан чиқиб кетиб, бедарак йўқолган 19 ёшли йигит топилди.
ИИВ хабарига кўра, олиб борилган қидирув ишлари натижасида ҳамда фуқаролар берган маълумотларга асосан К.Усмонов Миробод туманида жойлашган Тошкент Темир йўл муҳандислари институти олдидан топилиб, соғ-саломат оила аъзолари бағрига қайтарилган.
Ҳозирда суриштирув ишлари давом этмоқда.
ИИВ ушбу ҳолат юзасидан ички ишлар органларига хабар берган фуқароларга миннатдорчилик билдирган.
Эслатиб ўтамиз, аввалроқ Тошкентда 19 ёшли йигит машинада уйидан номаълум томонга чиқиб кетиб, бедарак йўқолганлигини хабар қилинганди.
