ТОШКЕНТ, 5 авг - Sputnik. Тадбиркор Аҳмет Демир ўз вақтида инвестицион мажбуриятларини бажармади. Бу ҳақда Давлат активларини бошқариш агентлиги хабар қилмоқда.
Эндиликда "Чорсу" меҳмонхонаси тадбиркорга қарашли эмас ва қайта сотувга қўйилади. Бунга Аҳмет Демирнинг олди-сотди шартномасида белгиланган инвестицион мажбуриятларини ўз вақтида бажармаганлиги сабаб бўлган.
“Хорижий корхона томонидан олди-сотди шартномасида белгиланган мажбуриятлар ўз вақтида бажарилмагани сабабли, Тошкент туманлараро иқтисодий судининг 2019 йил 2 июлдаги ҳал қилув қарорига кўра, томонлар ўртасидаги шартнома бекор қилинган”, - дейилада хабарда.
Demir Group “Чорсу” меҳмонхона мажмуасини ҳукумат кафолатисиз 33 млн. доллар миқдорида инвестиция киритиш орқали 270 ўринга мўлжалланган 4 юлдузли меҳмонхона мажмуасини қуриш ва 350 та янги иш ўринини яратиш шарти билан сотиб олган эди.
