ТОШКЕНТ, 4 авг - Sputnik. АҚШнинг Огайо штатидаги Дейтон шаҳрида отишма рўй берди. Бу ҳақда РИА Новости хабар қилмоқда.
Хабарда қайд этилишича, отишма оқибатида 9 киши қурбон бўлган. 16 киши жароҳатлангани айтилмоқда.
Аниқлик киритилишича, ўт очган шахснинг ўзи ҳам ҳалок бўлган. Гувоҳларнинг сўзларига қараганда, ҳодиса Орегон туманидаги майхоналардан бирида содир бўлган.
This is a look at the other side of the block from where the shooting happened. I’m told we will get an update from Dayton police shortly @WDTN pic.twitter.com/Hn9in4u5sq
— Kristen Eskow (@KristenEskow) 4 августа 2019 г.
Ҳозирда воқеа жойида АҚШ Федерал тергов бюроси ходимлари суриштирув ишларини олиб боришмоқда.
Қайд этиш жоизки, бу АҚШда бир сутка ичида юз берган иккинчи отишмадир. Бироз илгари Эл-Пасо шаҳридаги (Техас штати) Walmart савдо марказида содир этилган отишма оқибатида 20 киши ҳалок бўлгани, 26 киши эса жароҳатлангани хабар қилинган эди. Ҳозирда ўт очган шахс қўлга олинган. У 21 ёшли Патрик Крузиос эканлиги айтилмоқда. У ҳужум қилишдан олдин Twitter᾽да Янги Зеландиядаги масжидда содир этилган терактни қўллаб-қувватлашини айтган ва мигрантлар туфайли АҚШ маданияти ва иқтисодиёти оқсаётганини маълум қилган.
