ТОШКЕНТ, 25 июл — Sputnik. Тунис президенти Ал-Бажи Қаид ас-Себси ҳарбий шифохонада вафот этди. Давлат раҳбари 92 ёшни қарши олган эди.
“Бугун, 2019 йил 25 июль куни Тунисдаги ҳарбийлар шифохонасида республика Президенти Ал-Бажи Қаид ас-Себси вафот этди”, дейилади президент маъмуриятининг Facebook᾽даги баёнотида.
Сиёсатчи чоршанба куни шифохонага ётқизилган эди. У сўнгги ойларда соғлигидаги муаммолар сабабли шифокорларга бир неча марта мурожаат қилган.
Ал-Бажи Қаид ас-Себси 2014 йилдан буён Тунисни бошқариб келаётганди.
