ТОШКЕНТ, 10 июл – Sputnik. 11—18 июлда Ўзбекистон бўйича ҳаво ҳарорати ўртача кўп йиллик қийматларидан 5-7 даража юқори бўлган жуда иссиқ об-ҳаво бўлиши кутилмоқда.
Бу ҳақда "Ўзгидромет" маълум қилди.
Ҳаво кундуз кунлари 40-42 даражагача, жанубда ва чўл ҳудудларда 43-45 даражагача бўлади.
Бухоро, Навоий, Қашқадарё, Сурхондарё вилоятларида гармсел бўлиши мумкин.
Республиканинг тоғ олди ва тоғли ҳудудларида ҳарорат фонининг кўтарилиши ҳисобига Тожикистон ва Қирғизистон ҳудудларидан гляциал (музли) сел тошқинлари ўтиши мумкин.
