ТОШКЕНТ, 1 июл – Sputnik. 30 июнь куни Мексиканинг Гвадалахара шаҳрида кучли дўл ёғди. Бу ҳақда Economista нашри хабар бермоқда.
Нашрнинг ёзишича, айрим жойларда ёққан дўлнинг баландлиги бир метр ёки ундан ҳам баландни ташкил этган.
#Mexicana city turns white after freak hail storm blankets area in ice.The streets of sunny #Mexico were transformed into a winter wonderland overnight after a freak hail storm swept across the city of #Guadalajara #Ice up to 1.5cm thick carpeted the city in the western #Mexico pic.twitter.com/c9h3WH5ayR
— Brandi News Update (@brandilmelb) 1 июля 2019 г.
Маҳаллий ҳукумат кўчаларни дўл уюмларидан тозалаш мақсадида оғир техникани ишга солган. Ҳозирда фавқулодда вазиятлар хизмати табиий офатдан зарар кўрган биноларни текширмоқда.
Ижтимоий тармоқларга жойлаштирилган суратларда муз қатлами кўчанинг катта қисмини тўсиб қўйгани, айрим автомобиллар қарийб муз қатлами остида қолиб кетганини кўриш мумкин. Кўплаб бинолар қулаб тушган.
#Guadalajara blanketed in 1.5 metres of ice after massive #hailstorm#Mexico pic.twitter.com/4zpejukGlY
— Ruptly (@Ruptly) 1 июля 2019 г.
Маълум қилинишича, ҳозирча табиий офатдан жабрланганлар ҳақида маълумот мавжуд эмас.
Хабарда бу каби кучли дўл ёғиши шаҳар тарихидаги илк ҳодиса эканлиги қўшимча қилинган.
