ТОШКЕНТ, 24 июн – Sputnik. Роспотребнадзор Грузиядан келтириладиган алкогол маҳсулотлар устидан назоратни кучайтиради. Бу ҳақда РИА Новости хабар қилди.
Таъкидланишича, бунга маҳсулотнинг сифати ёмонлашгани сабаб бўлди.
2014-2018 йилда талабга жавоб бермайдиган алкоголнинг миқдори 2,9 бараварга ортди. Ўтган йили сифатсиз маҳсулот 203 минг литрни ташкил қилди.
Биринчи навбатда назорат чоралари "Багратиони-1882", "Болеро энд Компани", "Кахетинское Традиционное Виноделие", "Бадагони", "Дом Грузинского Вина", "Корпорация Грузинское Вино", "Компания Грузинских Вин и Алкогольных Напитков" ва "Батоно" компаниялар маҳсулотларига таъсир қилади.
Ҳозирги вақтда бу корхоналарнинг маҳсулотлари Россияга олиб киришга рухсат берилмади.
