ТОШКЕНТ, 20 июн – Sputnik. Россияда янги С-350 “Витязь” зенит-ракета тизимини ишлаб чиқариш бўйича ишлар якунланди.
Бу ҳақда Россия Мудофаа вазири Сергей Шойгу мудофаа буюртмасини бажариш масалаларига бағишланган ҳайъат йиғилишда маълум қилди.
ЗРТ С-350 “Витязь” – янги ҳаво ҳужумига қарши мудофаа тизими ҳисобланади. Бу тизим ёрдамида С-300В ракета тизимини алмашитиш кўзда тутилган. Ракета мажмуаси ҳаво ҳужум барча воситалар, шу жумладан кам кўринган нишонлар ва учар ракеталарни йўқ қилиш имкониятига эга.
Ракета тизими “Армия-2019” халқаро ҳарбий-техника форумида намойиш қилинади.
