ТОШКЕНТ, 15 июн — Sputnik. Туркиянинг Анталья провинциясида етти нафар турист йўл-транспорт ҳодисаси оқибатида жабрланди, деб хабар берди Туркиянинг Habertürk телеканали.
Хабарда айтилишича, аварияда Ўзбекистон ва Россия фуқаролари жабрланган.
Дам олишга келган туристларга хизмат кўрсатаётган автобус қарама-қарши келаётган машинага тўқнашган.
Аварияда жами 11 киши жабрланган, уларнинг 7 нафари - Ўзбекистон ва Россиядан.
Жабрланганларнинг барчаси касалхона ва госпиталларга олиб борилган. Уларнинг бир қисми оғир аҳволда.
