ТОШКЕНТ, 5 июн – Sputnik. Украина албатта НАТОга киради, фақат бу масала референдумда кўриб чиқилади. Бу ҳақда Украина президенти Владимир Зеленский маълум қилди.
“НАТОга йўл – бу биринчи навбатда мамлакат хавфсизлиги ва армиямиз даражаси. Биз украиналикларга НАТО нималигини ва унинг қўрқинчли эмаслигини тушунтиришимиз керак”, - деди Украина президенти.
Зеленский Украинани альянсга кириш масаласи ҳақида умумхалқ референдум ўтказилиши ҳақида бир неча марта айтганди.
Бундан ташқари, президент томонидан тақдим этилган ҳарбий доктринада армияни НАТО тамойил ва стандартларига асосан бошқариш назарда тутилган.
Куни кеча НАТО раҳбари Йенс Столтенберг Киевни бир қатор ислоҳотларни амалга оширишга эътибор қаратишга чақирди.
Эспертларнинг фикрига кўра, Украина яқин 20 йил ичида НАТО аъзолигига даъвогарлик қилмаса бўлади.
