Россияда “Зенит” номли янги фотоаппарат сотувга чиқарилди

© zenit.photoНовый фотоаппарат "Зенит М"
Новый фотоаппарат Зенит М - Sputnik Ўзбекистон
Oбуна бўлиш
Россияда, Leica билан ҳамкорликда, янгиланган “Зенит” фотоаппаратларини ишлаб чиқариш йўлга қўйилди.

ТОШКЕНТ, 4 июн – Sputnik. Инновациялар билан шуғулланувчи “Ростех” концерни собиқ Иттифоқ даврида машҳур бўлган “Зенит” фотоаппаратларининг янгиланган моделини ишлаб чиқариш бошланганини хабар қилди.

Фоторабота Султанбая Дехканова - Sputnik Ўзбекистон
Тошкент Фотосуратлар уйида суратчи Деҳқоновнинг янги кўргазмаси очилди

“Zenit M” деб домланган янги камера Германиянинг “Leica” концерни билан яқин ҳамкорликда ишлаб чиқарилган. Орқа томонида “Deigned in Krasnogorsk Russia” деган ёзув бўлишига қарамасдан, ушбу фотоаппарат Германиядаги Leica заводида ишлаб чиқарилади. Унинг ташқи кўриниши, бошқарув органлари Leica M240 моделининг ўзгинаси, фақат қадимги “Зенит Е”га ўхшаши учун олд томонида иккита қирра пайдо бўлган.

Асосий янгилик - унинг объективида. Камерага Россияда ишлаб чиқарилган Zenitar 35 mm f/1.0 объективи ўрнатилган. Ушбу объектив автфокусга эга бўлмаса-да, энг замонавий объективлар қаторидан ўрин олиши аниқ. Ахир унинг ёруғлик кучи - f/1.0. Янги объективни синаб кўрган фотосуратчилар айтишига қараганда унинг “юмшоқ бокэ” эффекти жуда чиройли ва такрорланмас экан.

© zenit.photoЯнги ва эски "Зенит" фотоаппаратлари
Россияда “Зенит” номли янги фотоаппарат сотувга чиқарилди - Sputnik Ўзбекистон
Янги ва эски "Зенит" фотоаппаратлари

Ичида замонавий матрица ва электрон қисмлар ўрнатилган бўлишига қарамасдан, ушбу фотоаппаратнинг бошқарув тизимлари аксарияти механик услубда қолган, ҳеч қандай автоматика  йўқ. Яъни суръат олиш вақтингизда сиз кадрнинг фокусини ҳам, экспозициясини ҳам қўлда бошқаришингиз керак бўлади.

Прототип пятиместного самолета с батарейным питанием, который Lilium надеется ввести в эксплуатацию к 2025 году. 16 мая 2019 года - Sputnik Ўзбекистон
Дунёда биринчи: Германияда ҳайдовчисиз учар такси намойиш қилинди – фото, видео

Металл ва чармдан ясалган оғир фотоаппарат, албатта, ҳаммага ҳам манзур келмайди. Унда суратга олиш учун ҳар бир кадрни аввал ҳисоб-китоб қилиш, кейин металл ҳалқаларни айлантириш ва оғир тугмани оғиста босиш керак. Механик камера “лаззати”ни фақат тажрибали, яна бир неча камераларга эга бўлган, балким ёши бироз каттароқ кишилар тушунса, ажаб эмас.

Фотоаппарат нархи ҳам айнан ана шундай кишилар ҳамёнига боп - 6000 $. Ишлаб чиқарувчилар ҳам буни яхши билишади, шекилли, улар Zenit M аппаратларидан фақат 500 дона ишлаб чиқарилишини эълон қилишган. 

Янгиликлар лентаси
0