ТОШКЕНТ, 4 май – Sputnik. Россия фуқароси Қирғизистондаги “Манас” халқаро аэропортида ўз жонига қасд қилишга уринди.
Қирғизистон давлат чегара хизмати хабарида айтилишича, воқеа 3 май куни содир бўлди.
"Бишкек-Истанбул" рейсидан йўловчилардан бири “ноўрин ҳатти-ҳаракатлари” сабабли парвоздан қолдирилди, кейинчалик у ўз жонига қасд қилишга ҳаракат қилди.
Таъкидланишича, бу эркак кўрикдан ўтиш жойида тартибсизлик қилиб, чегарачиларга ҳужум қилди.
Россия фуқароси транспорт полициясига топширилди.
