ТОШКЕНТ, 30 апр - Sputnik. Ўзбекистон президенти Шавкат Мирзиёев Сурхондарё вилоятига жўнаб кетди. Бу ҳақда давлат раҳбари матбуот хизмати хабар қилди.
“Президент Шавкат Мирзиёев иқтисодий-ижтимоий ривожлантириш бўйича аввал берилган топшириқлар ижроси, шаҳар ва туманларда амалга оширилаётган бунёдкорлик ишлари билан танишиш мақсадида 30 апрель куни Сурхондарё вилоятига жўнаб кетди”, - дейилади хабарда.
Эслатиб ўтамиз, Ўзбекистон президенти Шавкат Мирзиёев 29−30 март кунлари Бухоро вилоятига ташриф буюрган эди. Ташриф доирасида саноат ва қишлоқ хўжалиги корхоналари билан танишиб, янги лойиҳаларни белгилаган эди. Шунингдек, муқаддас қадамжоларни зиёрат қилган эди.
