ТОШКЕНТ, 26 апр – Sputnik. "Ўзбекистон ҳаво йўллари" авиакомпанияси стюардессаси Карина Рахманова Sky Lady 2019 гўзаллик танловида учинчи ўринни эгаллади.
Танлов ҳайъати ғолибликни Nord Star компанияси стюардессаси Зарина Строевага берди.
Танлов шартларига кўра, иштирокчилар ўзини намоён қилиш, саволларга жавоб бериши, casual, стюардесса формасида ва кечки либосда подиумдан ўтиши керак.
Эслатиб ўтамиз, Sky Lady 2019 танловида Россия, Ўзбекистон, Беларусдан 17 та авиакомпания вакиллари қатнашди.
