Ўзбекистон мусулмонлари учун ҳаж сафари харажати арзонлаштирилди

Oбуна бўлиш
2019 йил учун ҳаж зиёратининг нархи белгиланди.

ТОШКЕНТ, 23 апр – Sputnik. 2019 йилдан ўзбекистонлик мусулмонлар учун ҳаж сафари харажатлари 33,3 миллион сўмгача туширилди. Бу ҳақда Вазирлар Маҳкамаси ҳузуридаги дин ишлари бўйича қўмитаси матбуот хизмати хабар қилди.

Ўзбекистонда Ҳаж ва Умра зиёрати учун қўшимча авиарейслар қатнови йўлга қўйилди

2018 йилда Ўзбекистон фуқаролари учун Ҳаж зиёратини амалга ошириш харажатлари 38 миллион сўмни ташкил этган эди.

2019 йилдан Саудия Арабистонида барча хизматларга 5 фоизлик қўшилган қиймат солиғи ва меҳмонхоналарга 2,5 фоизлик солиқ киритилди. Шунга кўра бу йил ҳаж зиёрати сарф-харажатлари тахминан 42-43 миллион сўм бўлиши кутилаётган эди.

“Давлатимиз раҳбарининг иродалари ва саъй-ҳаракатлари натижасида жорий йилдан фуқароларимиз ҳаж сафари харажатлари 33,3 миллион сўмгача туширилди, яъни ҳаж ибодатини амалга оширишни 10 миллион сўмга арзонлаштиришга эришилди. “Ҳаж-2019” мавсумидан сўнг умра сафари 1,3 миллионга арзонлаштирилди. Шунингдек, “Ҳаж-2018” тўловидан ортган 926,5 минг сўм миқдоридаги маблағ ҳар бир зиёратчига қайтириб берилди”, - дейилган хабарда.

Янгиликлар лентаси
0