Ҳарбийлар Фарғонада ўз ихтиролари билан барчани лол қолдирди

© Минобороны УзбекистанаВыставка рационализаторских предложений военнослужащих
Выставка рационализаторских предложений военнослужащих - Sputnik Ўзбекистон
Oбуна бўлиш
Кўргазма давомида иштирокчилар ҳали ҳеч ерда қўлланилмаган илғор техникалар билан танишдилар

ТОШКЕНТ, 18 апр - Sputnik. "Фарғона" полигонида Шарқий ҳарбий округи тасарруфидаги ҳарбий қисм ва муассасалари ўртасида ихтирочилик, рационализаторлик ва инновацион ғоялар кўргазмаси ўтказилди, деб хабар қилди Мудофаа вазирлиги матбуот-хизмати.

© Минобороны УзбекистанаВыставка рационализаторских предложений военнослужащих
Ҳарбийлар Фарғонада ўз ихтиролари билан барчани лол қолдирди - Sputnik Ўзбекистон
Выставка рационализаторских предложений военнослужащих

Жанговар тайёргарлик, жанговар таъминот, техник таъминот, рекета артиллерия қурол-аслаҳалари ҳамда тарбиявий ва мафкуравий ишлар каби бешта йўналиш бўйича ўтказилган кўргазмани ҳарбий округ қўшинлари қўмондонлиги, Фарғона "Темурбеклар мактаби", Фарғона давлат университети ҳарбий кафедра талабалари ва Мудофаага кўмаклашувчи "Ватанпарвар" ташкилоти тингловчилари бевосита кузатиб борди.

Кўргазма давомида ҳарбий хизматчилар томонидан кашф этилган ҳарбий техникалар ва қурол-аслаҳаларнинг тактик-техник хусусиятларини янада такомиллаштиришга хизмат қилиши мумкин бўлган қурилмалар, ихтиролар намойиш этилди, фойдаланишда қулайлик яратувчи, жанговар ва маънавий-маърифий тайёргарлик машғулотларини ўтказишда янги инновацион технологиялар ва ускунларни қўллаш бўйича таклиф ва тавсиялар берилди.

© Минобороны УзбекистанаВыставка рационализаторских предложений военнослужащих
Ҳарбийлар Фарғонада ўз ихтиролари билан барчани лол қолдирди - Sputnik Ўзбекистон
Выставка рационализаторских предложений военнослужащих

90 дан ортиқ рационализаторлик ғоялари намойиш этилган кўргазма давомида иштирокчилар ҳали ҳеч ерда қўлланилмаган илғор техникалар билан танишди. Кичик сержант Матҳалилов томонидан яратилган ва полигон учун хизмат қиладиган оғир шароитларда нишонларни кўтариб тушуриш электрон мосламаси кўпчиликнинг диққат марказида бўлди.

Сотрудники Росгвардии во время учений - Sputnik Ўзбекистон
Ўзбекистон ҳарбийлари Росгвардия олийгоҳларида таҳсил олиши мумкин

Шунингдек, лейтенант Ҳамидуллаевнинг макетда ўқ отиш машқини янгича усулда симуляция қилиш мосламаси, шартнома бўйича ҳарбий хизматчи оддий аскар Амировнинг БТР-70 техникасида ташқи кучлар томонидан эҳтимолий ёнғин содир этилганида, техника ичидан ташқарига чиқмай туриб ёнғинни ўчириш мосламаси кўпчиликда қизиқиш уйғотди.

Майор Очилов тақдим этган дала шароитида ахлоқий-руҳий таъминотни шакллантиришга хизмат қиладиган автоном автожамланманинг лойиҳаси ҳам йиғилганларга маъқул бўлди.

Ғолиблар Шарқий ҳарбий округ қўшинлари қўмондони полковник Лутфулло Бузруков томонидан диплом ва эсадалик совғалари билан тақдирланди. Бешта та йўналиш бўйича ғолиблар кейинги босқичга йўл олди, уларнинг ғояларини амалиётда қўшинларда қўллаш бўйича таклифлар киритилади.
 

 

Янгиликлар лентаси
0