Афғонистонда генерал Дўстум кортежига ҳужум уюштирилди

© FVP AfghanistanКортеж генерала Абдул-Рашид Дустума в Афганистане
Кортеж генерала Абдул-Рашид  Дустума в Афганистане - Sputnik Ўзбекистон
Oбуна бўлиш
Генерал Абдул-Рашида Дўстум кортежига уюштирилган ҳужум оқибатида 1 тан соқчиси қурбон бўлди 2 киши жароҳатланди.

ТОШКЕНТ, 31 мар – Sputnik. Афғонистон шимолида “Толибон” радикал ҳаракати томонидан биринчи вице-президент, генерал Абдул-Рашид Дустум кортежига ҳужум уюштирилди, деб хабар қилмоқда Sputnik Dari.

Генерал Дўстум автомобил кортежига Балх –Жаузжан вилоятига бораётганда Балх-Шиберган йўлида ҳужум уюштирилган. Ҳужум оқибатида 1 тан соқчиси қурбон бўлган икки нафари жароҳатланган. Биринчи вице-президент зарар кўрмаган. 

Генерал Абдул Рашид Дўстум - Sputnik Ўзбекистон
Генерал Дўстум Афғонистонни тарк этди

Хабарда айтилишига кўра, Дўстум ушбу ҳужум ҳақида олдиндан билган, лекин сафарини бекор қилмаган. Бўлиб  ўтган жангда ҳужумчилар томонидан ҳам бир неча жангари йўқ қилинган ва ҳужумчи гуруҳ бошлиғи қўлга олинган.

Бундан бироз олдин генерал Дўстум, агар унга имконият берилса 6 ойда Афғонистон шимолини толибон жангариларидан тозалашини хабар қилган эди.

Эслатиб ўтамиз, йил бошидан буён Толибон ҳаракати ўзининг ҳукуматга қарши фаолиятини кескин оширган. Толибон ва ҳукумат қўшинлари орасида кўплаб тўқнашувлар бўлиб ўтмоқда. Бир неча кун олдин Афғонистон Шимолида 170га яқин ҳукумат аскарлари толибон томонидан асирга олингани хабар қилинган эди.

Янгиликлар лентаси
0