ТОШКЕНТ, 28 мар - Sputnik. Кремль Дональд Трампнинг Венесуэладан йўқолиш талабига жавоб қайтарди, деб хабар қилмоқда РИА Новости.
АҚШ дунёнинг кўплаб бурчакларига кириб борган, уларга ҳеч ким қаерда бўлиш ёки бўлмасликни кўрсатмайди, Россия ҳам ўзининг иккиёқлама муносабатларни йўлга қўйишга бўлган ҳуқуқини ҳурмат қилишларига умид қилади, деди РФ президенти матбуот-котиби Дмитрий Песков Дональд Трампнинг Венесуэладан кетиш ҳақидаги чақириғига изоҳ берар экан.
"Америка Қўшма Штатларига келадиган бўлсак, улар дунёнинг кўплаб бурчакларига кириб борган, уларга ҳеч ким қаерда бўлиш керак-керак эмасликни кўрсатиб турмайди. Шу боис, биз ҳам, дейлик ўзаро ҳурматга умид қилишни хоҳлар эдик - биз ўзимизнинг ҳамда ўша биз муносабат ўрнатмоқчи бўлган давлатнинг манфаатларига мос келадиган муносабатларни қурамиз ва бунга бошқа давлатлар ҳам ҳурмат билан қарашини хоҳлаймиз", - деди Песков журналистларга.
У шунингдек, Москва Венесуэланинг ички ишларига аралашмаслигини қўшимча қилди ва учинчи давлатлар ҳам худди шундай қилишларига умид билдирди.
