Ўзбекистон интернет тезлиги бўйича рейтингдаги позициясини яхшиладими?

© pixabayМужчина сидит с ноутбуком на полу
Мужчина сидит с ноутбуком на полу - Sputnik Ўзбекистон
Oбуна бўлиш
Ирландиянинг Ookla компаниясига қарашли Speedtest.net интернет-сервиси Speedtest Global Index ҳар ойлик рейтингни эълон қилди.

ТОШКЕНТ, 18 мар – Sputnik. Ирландиянинг Ookla компаниясига қарашли Speedtest.net интернет-сервиси Speedtest Global Index ҳар ойлик рейтингни эълон қилди.

Тузилган рейтингда 2019 йилнинг февраль ойига қадар дунёдаги мобил ва симли Интернет тезлиги ҳақидаги маълумотлар келтирилган.

Ўзбекистон ўз позициясини бироз яхшилаган. Мамлакат мобил интернет тезлиги бўйича икки позицияга кўтарилди ва 8,58 Мбит/с. тезлик билан 126-ўринни эгаллади. Симли интернет тезлиги бўйича эса 11,68 Мбит/с. тезлик билан рейтингга киритилган 177 давлат орасида 130-поғонадан ўрин олди.

Рейтингда мобил интернет тезлиги бўйича биринчи ўринда Норвегия (67,34 Мбит /с), симли интернет тезлиги бўйича Сингапур (195,36 Мбит/с) кўрсатилган.

Қайд этиш жоизки, мобил интернет тезлиги бўйича МДҲ мамлакатлари орасида Қозоғистон 4 поғона юқорилади ва 80-ўринни (18,92 Мбит/с.) эгаллади. Россия 81-ўрин (18,85 Мбит/с.), Украина 91-ўрин (17,02, Мбит/с.), Қирғизистон 106-ўрин (12,58 Мбит/с.), Беларусь 114-ўринда (11,24 Мбит/с.) келтирилган. Рейтингнинг қуйи поғоналаридан Тожикистон ўрин олган. У 134-ўринни (6,20 Мбит/с.) эгаллади.

Speedtest рейтинги тезликни ўзи ҳисоблаб чиқади ва фойдаланувчиларнинг маълумотларига асосланган ҳолда тузади.

Янгиликлар лентаси
0