ТОШКЕНТ, 10 мар — Sputnik. Эфиопияда Ethiopian Airlines компаниясининг Boeing 737 йўловчи самолёти ҳалокатга учради. Бу ҳақда компания ўзининг Facebook᾽даги саҳифасида маълум қилди.
Компания хабарида айтилишича, самолёт бортида 157 киши бўлган. Улардан саккиз нафари экипаж аъзолари.
Самолёт Кения пойтахти Найробига учаётган пайт ҳалокатга учраган. Мудҳиш ҳодиса маҳаллий вақт билан соат 8:44 да Аддис-Абеба шаҳридан 62 километр узоқликда жойлашган Дэбрэ-Зэйт шаҳрида содир бўлган.
Эфипия бош вазири Абий Аҳмед Али ҳукумат ва Эфиопия халқи номидан фожиада қурбон бўлганларнинг оила аъзоларига чуқур таъзия изҳор этди.
The Office of the PM, on behalf of the Government and people of Ethiopia, would like to express it’s deepest condolences to the families of those that have lost their loved ones on Ethiopian Airlines Boeing 737 on regular scheduled flight to Nairobi, Kenya this morning.
— Office of the Prime Minister - Ethiopia (@PMEthiopia) 10 марта 2019 г.
Ҳозирда ҳалокат тафсилотлари ва қурбон бўлганлар сони аниқланмоқда.
