ТОШКЕНТ, 5 мар – Sputnik. Ирландиялик актёр ва спортчи, “Тахтлар ўйини” сериалида Григор Клиган ролини ижро этган Хафтор Бьёрнссон дунёнинг энг кучли одами унвонига лойиқ эканлигини тасдиқлади.
30 ёшли актёр Колумбус шаҳрида (АҚШнинг Огайо штатида) бўлиб ўтган “Arnold Strongman Classic 2019” мусобақасида оғирлиги 474 килограмм тошни кўтариб, ғалаба қозонди.
Посмотреть эту публикацию в Instagram
ABC News нашрининг маълум қилишича, Калифорния собиқ губернатори ва актёр Арнольд Шварценеггер Хафтор Бьёрнссонни рекорд ўрнатганлиги муносабати билан шахсан табриклаб, унга 72 минг доллар миқдорида мукофот пулини тақдим этди.
Эслатиб ўтамиз, ўтган йилнинг май ойида Хафтор Бьёрнссон дунёнинг энг кучли одами унвонига сазовор бўлган эди. Филиппинда бўлиб ўтган “World's Strongest Man 2018” турнирида “Тахтлар ўйини” юлдузи 472 килограмм тошни кўтаришга муваффақ бўлган эди.
