ТОШКЕНТ, 4 мар — Sputnik. Туркияда футболчи майдонга лезвия олиб келиб, ўйин давомида рақибларини жароҳатлади, деб ёзади Yeni Şafak Spor нашри.
Amedsporlu futbolcu Mansur Çalar, Sakaryaspor maçına elinde gizlediği jiletle çıktı ve rakip takım futbolcularını yaraladı@TFF_Orgpic.twitter.com/QHhal7r14n
— Yeni Şafak Spor (@yenisafakspor) 3 марта 2019 г.
Ушбу ҳодиса Туркиянинг "Амедспор" ва "Сакаряспор" жамоалари ўртасида бўлиб ўтган ўйин давомида содир бўлган. "Амедспор" жамоасининг яримҳимоячиси Мансур Чалар майдонга сездирмасдан лезвия олиб келади ва рақиб жамоа ўйинчилари билан кўришаётганда ҳамда ўзаро келиб чиққан жанжал вақтида улар танасининг турли қисмини жароҳатлайди.
"Сакаряспор" футболчилари гап нимада эканлигини дарҳол сезишмайди. Мусобақа якунидан сўнг улар ижтимоий тармоқларда ўзларининг яраланган тана қисмларини эълон қилишади. Интернет фойдаланувчилари Чаларнинг бу хатти-ҳаракатларини қаттиқ қоралашди.
Mansur Çalar futboldan değil ülkeden men edilsin.#amedsporKAPATILSIN pic.twitter.com/u78VF0zM3S
— Alperen K. (@AlperenKalyonc5) 4 марта 2019 г.
Туркиянинг "Амедспор" клуби раҳбарияти футболчи бу ишни қилмаганини айтди. Клуб ўзининг Twitter᾽даги саҳифасида Чалар ҳақида бўҳтон тарқатаётганлар жавоб беришларини маълум қилди.
