Ўзбекистоннинг Узоқ Шарқдаги Генконсули Рустам Исмоилов Владивостокда очилган дипломатик ваколатхона олдида турган вазифалар ҳақида гапириб берди.
Дипломат Россияга унинг янги тайинлови кутилмаганда рўй берган хушхабар бўлганини таъкидлади.
"Владивосток Россиянинг бутун Узоқшарқ федерал округи пойтахтига айланди – бу жуда ҳам истиқболли регион. Менга шу ерда ишлашни ишониб топширганликлари учун миннатдорман. Эндиликда Владивостокда Ўзбекистон фуқаролари ва жамоатчилик ташкилотлари вакиллари учун ҳам ватаннинг бир бўлакчаси ташкил топди. Улар бизнинг олдимизга келиб, ўз ғоялари билан бўлишишлари, қандайдир масалаларини ҳал этишлари мумкин бўлади", - деб қайд этди Исмоилов.
Унинг сўзларига кўра, генконсуллик иши биринчи навбатда Узоқ Шарқда фаолият юритаётган ватандошларга кўмак беришга ҳамда минтақалараро ҳамкорликни ривожлантиришга, шунингдек, савдо-иқтисодий, гуманитар ва маданий алоқаларни янада кучайтиришга қаратилади.
Эслатиб ўтамиз, 1 март санасида Владивостокда Ўзбекистоннинг ҳисоб бўйича бешинчи дипломатик ваколатхонаси очилди. Ўтган йил РФ да икки мамлакат етакчилари келишувига биноан Санкт-Петербург ва Екатеринбургда Ўзбекистоннинг иккита консуллиги очилган эди. 2019 йил охирига қадар Қозон республикаси ва Ростов-Донда ҳам Ўзбекистон дипломатик ваколатхоналари очилади.
