ТОШКЕНТ, 19 фев - Sputnik. Бобир Абубакиров Юлдашович Ўзбекистон Республикаси Марказий банки раисининг ўринбосари этиб тайинланди. Бу ҳақда Марказий банк матбуот хизмати хабар қилди.
Бобир Абубакиров Ўзбекистон Республикаси президентининг 2019 йил 18 февралдаги ПФ-5665 сонли фармонига мувофиқ Марказий банки раисининг ўринбосари этиб тайинланган.
Шу кунгача Валютани тартибга солиш ва тўлов баланси департаменти директори лавозимида фаолият юритган.
Бобир Абубакиров бу лавозимда аввалроқ “Ипотека банк” бошқаруви раислигига тайинланган Шуҳрат Атабаевнинг ўрнини эгаллади.
