Марказий Осиёда хавфсизликка бағишланган конференцияда кимлар иштирок этиши маълум бўлди

© Sputnik / Павел ЛисицынГенеральное консульство Республики Узбекистан в Екатеринбурге.
Генеральное консульство Республики Узбекистан в Екатеринбурге. - Sputnik Ўзбекистон
Oбуна бўлиш
Тошкентда "Марказий Осиёда ўзаро муштараклик: таҳдидлар ва янги имкониятлар" мавзусида бўлиб ўтадиган халқаро конференцияда 130 га яқин экспертлар иштирок этади.

ТОШКЕНТ, 18 фев - Sputnik. Тошкентда 2019 йилнинг 19-20 бўлиб ўтадиган халқаро конференцияда 130 га яқин хорижий экспертлар иштирок этиши маълум бўлди, Ўзбекистон ТИВ хабарига асосан. 

"Марказий Осиёда ўзаро муштараклик: таҳдидлар ва янги имкониятлар" мавзусида бўлиб ўтадиган халқаро конференцияда 36 та мамлакат, 9 та халқаро ва минтақавий ташкилотлар, 71 та таҳлилий тузилмалар, 18 та давлат ташкилотлари ва парламентлар вакиллари иштирок  этиши маълум бўлди. 

Конференция пленар ва секцион мажлислар шаклида ўтиши режалаштирилмоқда.

Мажлисларда экспертлар томонидан Марказий Осиёда минтақавий хавфсизлик, савдо-иқтисодий, транспорт-коммуникация, сув ва экология, энергетика, туризм ва маданий-гуманитар соҳаларда ҳамкорлик масалалари юзасидан фикр алмашилади.

Конференциянинг ҳамташкилотчиси, Марказий Осиё учун превентив дипломатия бўйича минтақавий марказ раҳбари Наталья Герман тадбирда нутқ сўзлаши кутилмоқда.

Форумда, шунингдек, Европа Иттифоқининг Марказий Осиё бўйича махсус вакили Питер Буриан, Жаҳон савдо ташкилоти бош директорининг ўринбосари Алан Вулф, АҚШ ташқи сиёсат кенгаши ҳузуридаги Марказий Осиё ва Кавказ институти раиси Фредерик Старр, Хитой ҳозирги халқаро алоқалар академияси президенти Цзи Чжие, Афғонистон савдо ва саноат вазири ўринбосари Камил Сиддиқий ва минтақа муаммосига ихтисослашган бошқа нуфузли экспертлар ва таҳлилчилар иштирок этадилар.

 

Янгиликлар лентаси
0