ТОШКЕНТ, 16 фев — Sputnik. АҚШ президенти Дональд Трамп 15 февраль куни Мексика билан чегарасида ҳолат юзасидан мамлакатда фавқулодда ҳолат эълон қилиш ҳақида фармон имзолади.
Бу ҳақда Сенат аъзоларига йўлланган президент мактубини Wall Street Journal газетаси эълон қилди.
Фавқулодда ҳолат эълон қилиниши Конгресс тасдиғисиз чегарада девор қуриш учун 8 миллиард доллар олиш имкониятини беради.
Бундан аввал Трамп 450 км узунликдаги деворни қуриш учун 5,7 миллиард доллар ажратилишини талаб қилганди. Конгресс девор қуришни самарасизлиги ва кўп ҳаражатли эканлигини билдирганди.
President @realDonaldTrump signs the Declaration for a National Emergency to address the national security and humanitarian crisis at the Southern Border. pic.twitter.com/0bUhudtwvS
— Sarah Sanders (@PressSec) 15 февраля 2019 г.
Энди фавқулодда ҳолат Трампга Конгресс рухсатисиз Адлия вазирлиги ва Пентагон бюджетидан маблағ олиш имконини беради.
Президент фавқулодда ҳолат эълон қилиши тўғрисида ахборотни бош котиб Сара Сандерс Twitterда маълум қилди. Бироқ имзолаш жараёнида анъанага мувофиқ ОАВ вакиллари таклиф этилмади.
