ТОШКЕНТ, 7 фев – Sputnik. Бразилиялик сенатор Ана Паула да Силва лавозимга киришиш муносабати билан ўтказилган қасамёд маросимига жуда очиқ либосда келди.
Сиёсатчининг ташқи кўриниши интернетда катта шов-шувга айланди.
Унинг қизил рангли костюми ва очиқ декольтеси кўплаб муштарийларни шок ҳолатига солди. Уларнинг фикрлари икки томонга бўлинди: айримлар янги сенаторнинг ташқи кўринишини чиройли эканлигини билдиришса, қолганлар сиёсатчини танқид қилишди.
“У нима кийиши эмас, нима иш қилиши муҳим” – деб изоҳ ёзган wearer_of_boxers никли фойдаланувчи.
Бошқа фойдаланувчи эса “самарали, жозибали сиёсатчи – бу жуда яхши бонус”, - деб ёзган.
“Жиноят қилса, уни қўлга олиб бўлмайди, чунки унинг юзига ҳеч ким қарамаган”, - деб ҳазил изоҳ ёзган BiboFieto.
Бразилия ОАВлари, аксинча, сенаторни кескин танқид қилишди.
Сенатор Паулинья ўзи бу ҳолатни “Менинг либосим – аёллар танлаш эркинлиги ҳақида эркакларга эслатма беришдан бошқа нарса эмас” дея изоҳлаган.
