ТОШКЕНТ, 25 янв – Sputnik. Ҳиндистон 2019 йилдаги биринчи - Kalamsat-V2 сунъий йўлдошини учирди. Ушбу йўлдош бир ҳафта ичида талабалар томонидан йиғилган ва ёғоч курсидан ҳам енгилроқ, деб хабар қилди РИА Новости, Ҳиндистоннинг NDTV телеканалига таяниб.
Хабарда ёзилишича, сунъий йўлдошнинг оғирлиги 1,26 килограммни ташкил қилади. У узунлиги тахминан 10 сантиметр бўлган қирраларга эга ўзига хос куб кўринишига эга. Йўлдош яратилишига тахминан 120 минг рупий (1,7 минг доллар) сарфланган. Сунъий йўлдош билан бирга, ракета PSLV-44 космосга Ҳиндистоннинг 740 килограммлик Microsat-R ҳарбий йўлдоши етказди. У Ердаги объектларнинг юқори аниқликдаги фотосъёмкаси учун мўлжалланган.
Kalamsat сунъий йўлдошнинг биринчи версияси 2017 йилда Тамилнад штадидаги талабалар ва ўқувчиларнинг биргаликдаги уринишлари натижасида яратилган. Унинг оғирлиги 64 граммни ташкил қилган, бироқ у Kalamsat-V2дан фарқли ўлароқ Ер орбитасига олиб чиқилмаган.
Ҳиндистон бош вазири Нарендра Моди ҳиндистонлик талабалар ютуғини юқори баҳолади ва ҳамма иштирокчиларни муваффақиятли учириш билан қутлади. Ўзининг самимий дил изҳорларини Twitter саҳифасида ёзиб қолдирди.
Heartiest congratulations to our space scientists for yet another successful launch of PSLV.
— Narendra Modi (@narendramodi) 25 января 2019 г.
This launch has put in orbit Kalamsat, built by India's talented students.
