ТОШКЕНТ, 17 янв - Sputnik. Ўзбекистон президенти Шавкат Мирзиёев 17 январь куни Ҳиндистоннинг Гужарат штати Аҳмадобод шаҳрига ташриф буюрди, деб хабар қилди президент матбуот-хизмати.
Ўзбекистон етакчисини "Аҳмадобод" халқаро аэропортида Гужарат шаҳри губернатори, Ҳиндистон қишлоқ хўжалиги вазири ва бошқа расмий шахслари кутиб олди.
Шавкат Мирзиёев 18 январь куни Гандинагар шаҳрига ташриф буюриб, "Динамик Гужарат" саммитида иштирок этади ҳамда Ҳиндистон Бош вазири Нарендра Моди билан музокара ўтказади.
Эслатиб ўтамиз, "Ёрқин Гужарат" халқаро саммити 9-бор 18-20 январ кунлари Ҳиндистоннинг Гужарат штатида ўтказилади. Гужарат - Ҳиндистоннинг ижтимоий-иқтисодий томондан ривожланган регионларидан биридир. У ҳиндистон миллий тараққиёти драйвери ҳамда савдо, бизнес ва инвестиция соҳасида жозибадор региони ҳисобланади.
Ҳиндистонда Мирзиёев ташрифига катта қизиқиш билан қаралмоқда. Расмий доира вакиллари ҳам, оммавий ахборот воситалари ҳам буни алоҳида таъкидлашмоқда. Хусусан 1,5 миллион тиражда чиқадиган "The Hindu" газетасида "Ўзбекистон Президенти саммитнинг бош меҳмони бўлади" номли таҳлилий мақола чоп этилди.
