ТОШКЕНТ, 23 дек – Sputnik. 2012 йилги Лондон Олимпиадасида иштирок этган беш нафар оғир атлетикачидан олинган таҳлиллар Халқаро Олимпия Қўмитаси томонидан қайта ўтказилган допинг текширувида ижобий натижа берган. Бу ҳақда Халқаро оғир атлетика федерацияси матбуот хизматига хабар қилди.
Қайд этилишича, допинг тестига ижобий реакция берган намуналардан бири ўша мусобақада 105 кг вазн тоифасида тўртинчи ўринни олган ўзбекистонлик Руслан Нуриддиновга тегишли.
Ундан ташқари, 2012 йилги олимпия ўйинларининг чемпиони украиналик Алексей Торохтий, озарбайжонлик Валентин Христов, шунингдек белоруслик Николай Новичков ва арманистонлик Мелин Далузян ҳам рўйхатда бор.
Халқаро оғир атлетика федерацияси ушбу беш спортчини вақтинчалик фаолиятдан четлаштирган.
