ТОШКЕНТ, 21 дек - Sputnik. Профессионал боксчи Шоҳжаҳон Эргашев 2019 йилнинг 23 февралида Нью-Йорк шаҳрида ўзининг навбатдаги жангини ўтказади, деб хабар қилди Ўзбекистон Миллий олимпия қўмитаси.
Шоҳжаҳон Эргашевнинг навбатдаги рақиби сифатида америкалик енгилмас Майкл Фокс рингга кўтарилади.
Шоҳжаҳон шу кунгача профессионал боксда 16 та жанг ўтказган ва уларнинг барчасида ғалаба қозонган (15 таси нокаут билан). Унинг рақиби Майкл Фокс эса 19 маротаба жанг ўтказиб, уларнинг барчасида рақибларини таслим этган. Жангларининг 5 тасида у муддатидан олдин ғалаба қозонган.
