ТОШКЕНТ, 21 дек – Sputnik. Қорақалпоғистоннинг Элликқалъа туманида жойлашган уйларнинг бирида ёнғин содир бўлди, деб хабар қилди Ўзбекистон ИИВ ЁХББ матбуот-хизмати.
Хабарда айтилишича, ёнғин оқибатида уйнинг томи, шифти ва уй жиҳозлари ҳамда "ВАЗ 2106 Жигули" русумли машина зарарланган.
Ёнғинни бартараф этишга 4 та ўт ўчириш экипажлари жалб этилган.
Ўтни ўчириш вақтида бино ичидан шу уйда яшаган тўрт фуқаронинг куйган жасадлари топилган.
Ёнғин келиб чиқиши сабаби номаълум.
