ТОШКЕНТ, 11 дек — Sputnik. Queen гуруҳининг "Bohemian Rhapsody" номли қўшиғи стриминг-хизматларида XX-асрнинг энг машҳур қўшиғи деб топилди. Бу ҳақда Universal Music Group медиахолдинг ўзининг Twitter саҳифасида маълум қилди.
Медиахолдинг талқинига кўра, ушбу қўшиқни инсонлар бир ярим миллиарддан кўпроқ тинглашган.
"Bohemian Rhapsody" қўшиғини британиялик гуруҳ етакчиси Фредди Меркьюри 1975 йилда ёзган. Қўшиқ ўзининг ўзгача шакли ва тўртта турлича услуби: акапелла, баллада, опера, рок билан ажаралиб туради. Ушбу услублар майинлик билан ижро этилиб, кода билан тугалланади. Мазкур қўшиқ асари Billboard талқинига кўра уч марта 1975, 1992, 2018 йилларда Hot 100 рўйхатига киритилган.
