ТОШКЕНТ, 20 ноя — Sputnik. Forbes журнали ҳар йиллик энг кўп ҳақ олувчи аёл хонандаларининг рейтингини нашр этди.
Рейтинг биринчи қаторини америкалик қўшиқчи Кэти Перри эгаллаган. Унинг бир йиллик даромади қарийб 83 миллион долларни ташкил этган. Даромадининг асосий манбаи унинг Witness тур концертлари бўлган.
Нуфузли рўйхатнинг иккинчи ўрини америкалик қўшиқчи Тейлор Свифтга насиб этган. Forbes унинг даромадини 80 миллион долларда баҳолаган. Тейлорнинг Reputation альбоми бир ҳафта ичида икки миллиондан зиёд нусхада сотилган.
Учинчи ўринда 60 миллион доллар даромад билан Бейонсе жой олган. Ўтган йили хонанда рейтинг биринчи ўринини забт этганди.
Тўртинчи ўринда қўшиқчи Пинк жойлашган, унинг даромади 52 миллион долларни ташкил этган.
Леди Гага 50 миллион доллар билан бешинчи ўринни эгаллаган.
Forbes келтирган маълумотларга кўра, Женнифер Лопес 47 миллион доллар ишлаб топган.
Рианна – 37,5 миллион доллар
Хелена Фишер - 32 миллион доллар.
Селин Дион - 31 миллион доллар.
Бритни Спирс ўзининг 2018 йилдаги 30 миллион доллар даромади билан ўринчи ўриндан жой олган.
Рейтинг Forbes журнали томонидан хонандаларнинг 2017 йил 1 июндан 2018 йил 1 июнгача бўлган даврда топган даромадлари тўғрисидаги маълумотлар асосида тузилган.
Эслатиб ўтамиз, олдин рейтингда Бейонсе етакчилик қилганди, кейин рўйхатда қўшиқчи Адель (бу йил рўйхатга кирилмаган) ва Тейлор Свифт ўрин олганди.
