ТОШКЕНТ, 13 ноя – Sputnik. Бугун Facebookдаги “Ферганская долина” гуруҳида қуйидаги видеолавҳа пайдо бўлди.
“Бухорo «Муҳандислик институти»да олий математика ўқитувчиси талабаларни галстуги бўлмаганлиги учун ўқувчиларни калтаклади”, - дейилган ушбу видеога қолдирилган изоҳда.
Видеони овоз билан томоша қилганда ўқитувчи “казёл”, “казёл” деб бақирганини эшитиш мумкин. Воқеа қачон бўлгани номаълум.
Энг сўнгги маълумот: Бухоро Муҳандислик институти қабулхонаси Sputnik мухбирига берган хабарига кўра, ушбу видеолавҳада тасвирланган воқеа тахминан бир йил олдин содир бўлган. Айни дамда ушбу математика ўқитувчиси институтда ишламайди.
