ТОШКЕНТ, 29 окт – Sputnik. Тошкентда “Ласетти” иштирокидага аварияда 1 киши қурбон бўлди, деб хабар қилмоқда, ИИББ матбуот хизмати.
27 октябрдан 28октябрга ўтар кечаси, Шайхонтохур тумани ҳудудида, соат 02:00 атрофида “Ласетти” автомобили ҳайдовчиси ЙПХ инспекторининг тўхташ ҳақидаги талабига бўй сунмасдан, ундан қочиш мақсадида катта тезликда ҳаракатланиб, чорраҳадан светофорнинг қизил чироғига ўтиб кетади ва “Howo” русумли бетон қориштирувчи машинага бориб урилади.
ЙТҲ оқибатида “Ласетти” йўловчиси 26 ёшли Шахбоз Х. воқеа жойида вафот этади, ҳайдовчи Журабек А.тан жароҳатлари билан касалхонага ётқизилади.
Хабарда айтилишига кўра, “Ласетти” автомобили ҳайдовчиси Жўрабек А., алгоколли ичимликлар ичиб автомобилни бошқаргани туфайли, 2018 йилнинг 12 апрелидаги суд қарори билан ҳайдовчилик гувоҳномасидан 1,5 йилга маҳрум қилинган бўлган.
Бўлиб ўтган воқеа юзасида Ўзбекистон ЖКнинг 266 моддасига (Транспорт воситаларини бошқариш ва эксплуатация қилиш қоидаларини бузиш) биноан Жиноий иш қўзғатилган.
Шу билан бир вақтда, ушбу автомобилни таъқиб қилган ЙПХ ходимларига нисбатан хизмат текшируви ўтказиш белгиланган.
