ТОШКЕНТ, 17 окт – Sputnik. Ўзбекистон тез тиббий ёрдам хизмати 2020 йилдан бошлаб авиация техникаси билан жиҳозланади. Бу ҳақда Ўзбекистон президентининг “Ўзбекистон Республикасида тез тиббий ёрдам хизматини такомиллаштириш чора-тадбирлари тўғрисида”ги қарорида айтилган.
Қарорда Соғлиқни сақлаш, Молия, Фавқулодда вазиятлар, Мудофаа вазирликлари, Парвозлар хавфсизлигини назорат қилиш давлат инспекцияси ва “Ўзбекистон ҳаво йўллари” МАК билан биргаликда тез тиббий ёрдам хизматини 2020 йилдан бошлаб авиация техникаси билан жиҳозлаш ва (ёки) авиация хизматларини харид қилиш, шу жумладан, давлат-хусусий шериклик асосида харид қилиш бўйича таклифларни 2019 йил 1 мартга қадар Вазирлар Маҳкамасига киритиши белгиланди.
