ТОШКЕНТ, 16 окт – Sputnik. Гидрометеорология хизмати маркази берган маълумотга кўра, эртага, 17 октябрь куни Ўзбекистон ҳудуди бўйлаб қуйидагича об-ҳаво кузатилади.
Тошкент шаҳри ва Тошкент вилоятида ҳаво ҳарорати кечаси -1...+1, кундузи +5...+7 даража бўлади. Шамол тезлиги 7-12 м/сга етиб, ёмғир аралаш қор ёғади.
Фарғона водийсида ҳаво бироз булутли бўлиб, кечаси 0...+5, кундузи +5...+10 даража бўлиши кутилмоқда. 5-10 м/с тезликда шамол эсиб, ёмғир ёғиши ва кейинроқ қорга айланиши мумкин.
Сирдарё, Жиззах ва Самарқанд вилоятларида ҳаво ҳарорати кечаси -2...+3, кундузи +5...+10 даража бўлиб, ёмғир ва қор ёғади. Шамол тезлиги 5-10 м/сга етади.
Қорақалпоғистон Республикаси, Бухоро, Навоий, Қашқадарё ва Хоразм вилоятларида ҳаво ҳарорати кечаси -2...+3, кундузи +5...+10 даража бўлади. Шамол тезлиги 3-8 м/сга етади ва туман тушади.
Сурхондарё вилоятида ҳаво ҳарорати кечаси 0...+5, кундузи +5...+10 даражагача кўтарилади. 3-8 м/с тезликда шамол эсади. Ёғингарчилик бўлмайди.
Қамчиқ довони ва Чимёнда кечаси -10...-5, кундузи эса -5...0 даража бўлади. 5-10 м/с тезликда шамол эсиб, қор ёғади.
