ТОШКЕНТ, 18 сен – Sputnik. АҚШнинг халқаро диний эркинлик соҳасида алоҳида топшириқлар бўйича элчиси Сэм Браунбэк бошчилигидаги делегация 17 сентябрь куни Ўзбекистонга ташриф буюрди.
АҚШ делегацияси ташрифи доирасида Ўзбекистон Республикаси Президенти ҳузуридаги Давлат бошқаруви академиясида “Диний бағрикенглик: Ўзбекистон ва АҚШ тажрибаси” мавзусида давра суҳбати бўлиб ўтади. Унда қатор вазирлик ва идоралари мутасаддилари, фуқаролик жамияти институтлари, диний конфессиялар вакиллари иштирок этади.
Тадбир доирасида Ўзбекистон Республикаси Президенти ҳузуридаги Стратегик ва минтақалараро тадқиқотлар институти, Фуқаролик жамияти шаклланишини мониторинг қилиш мустақил институти ва АҚШнинг Глобал ҳамкорлик институти ўртасида меморандум имзоланиши кутилмоқда.
