ТОШКЕНТ, 14 сен – Sputnik. ФВВ Сейсмопрогностик мониторинг Республика марказининг маълумотига кўра, 2018 йил 14 сентябр куни Тошкент вақти билан соат 02-31 да Ўзбекистон ҳудудида ер силкиниши қайд этилди.
Зилзила эпицентри Тошкент шаҳридан 463 км узоқликда жанубий-шарқий йўналишда Афғонистон ҳудудида қайд этилди. Зилзила магнитудаси – 5,1.
Зилзила кучи Термезда – 2 балл, Фарғонада – 2 баллни, Гулистонда – 2 баллни ташкил этган.
Республиканинг бошқа ҳудудларида зилзила қайд этилмади.
Талофатлар ва жабрланганлар тўғрисида маълумотлар келиб тушмади.
