ТОШКЕНТ, 8 сен - Sputnik. Тошкентда Ўзбекистон-Беларус бизнес-форуми ўтказилиши кутилмоқда, деб хабар қилди Спутник Ўзбекистон мухбири.
Ўзбекистон ва Беларус давлатлари ўртасидаги ишбилармонлар ва минтақалараро ҳамкорлик бизнес-форуми Беларус президенти Александр Лукашенконинг Ўзбекистонга расмий ташрифи олдидан ўтказилади.
Тадбир 12 сентябр куни Тошкентдаги International Hotel Tashkent меҳмонхонасида бўлиб ўтади.
Бизнес-форумда Беларус давлатининг энг олд 78 корхоналари ва 111 нафар ишбилармонлар доиралари вакиллари иштироки режалаштирилган.
Хусусан, улар орасида "Слуцкий шакарқанд комбинати" ОАЖ директори, "МАЗ" ОАЖ компанияси бош директори, Беларус савдо-саноат палатаси раиси, Беларус давлат ахборот ва радиоэлектроника университети ректори Вадим Богуш ва бошқа йирик ишлаб чиқариш корхоналари раҳбарлари санаб ўтилган.
Бизнес-форум якунида В2В форматида кооперация биржалари ўтказилиши учун майдон ташкил этилиши режалаштирилган.
